‘कम्युनिस्ट, कांग्रेस र राजावादी भन्दा देश र जनता ठूलो हो’ – (भिडियो सहित )

काठमाडौ । कुनै जमानामा बलिउडमा एकछत्र राजगरेकी नेपाली छोरी मनिषा कोइराला वनारसमा हुर्किएकी हुन् । उनी विपि कोइरालाको श्रीमति सुशिला कोइरालकोे काखमा हुर्किएकी हुन् । सुशिला फिल्म क्षेत्रको निकै सौखिम थिइन् ।

त्यसैले मनिषालाई फिल्म क्षेत्रमा प्रवेश गर्न हजुरआमाको त्यो सौख पनि एउटा प्रेरणा भएको हुनसक्ने बताएकी छन् । उनले एक टेलिभिजनमा अन्तरवार्ता दिँदै भनेकी छन्, शुष्मा कोइराला आमासंग फिल्म क्षेत्रमा जान अनुमति माग्दा आमाले भन्नुभयो तिमी जुन सुकै क्षेत्रमा जाउ , चाहे त्यो मालि नै किन नहोस् त्यो क्षेत्रमा आफुलाई सर्वश्रेष्ठ प्रमाणीत गर ।

आमाको त्यो कुरालाई ध्यानमा राखेर म फिल्म क्षेत्रमा गएँ त्यस पछि मैले पछाडी फर्केर हेर्नुपरेन । उनले आफु सानैमा डाक्टर बन्न चाहन्थिन् । कोइराला परिवारमा डाक्टर, इन्जिनियर र राजनीतिज्ञ मात्र थिए त्यसैले मैले पनि त्यही क्षेत्रकै बारेमा सोचेकी थिए, उनले भनिन् तर म डाक्टर बनेको भए यति सफल हुन्नथे होला ।

मनिषा कोइरालालाई लाग्छ राजनीतिक दलभन्दा ठूलो मुलुक हो । त्यसैले जुनसुकै पार्टीले राम्रो काम गर्छ आफ्नो सहयोग रहने बताएकी छन् । उनले आफ्नो पारिवारिक राजनीतिक पृष्ठभूमी जे भएपनि आफु भने तटस्थ रहेको बताएकी छन् । उनले त्यही ढंगले राजनीतिलाई पनि हेरेको बताएकी छन् । जुन पार्टीमा लागेपनि सबैको उद्देश्य मुलुक र जनताकै लागि काम गर्ने भएकाले आफुलाई कुनै पार्टीप्रति झुकाव नभएको बताएकी छन् ।

कालापानी लिपुलेक र लिम्पीयाधुराका विषयमा सामाजिक सञ्जालमा गरेको प्रतिकृया पछि उत्पन्न परिस्थितीमा आफु कसरी मुम्बईवाट काठमाडौ आइपुगे भन्ने कुरा पनि उनले सुनाएकी छन् । उनले त्यतीबेला भारतीय मिडियाले आफुलाई गरेको प्र हा र का कारण निकै दुखी भएको पनि बताएकी छन् ।

देशभरका बालबालिकालाई यही ११ र १२ गते भिटामिन ए खुवाइने

काठमाडाैं । सरकारले यसवर्ष पहिलो चरण अन्तर्गत बालबालिकालाई भिटामिन–ए तथा जुकाको औषधि मंसिर ११ र १२ गते खुवाउने भएको छ । मंसिर ११ र १२ गते देशभर ६ देखि ५९ महिनासम्मका बालबालिकाहरूलाई भिटामिन ए र १२ देखि ५९ महिनासम्मका बालबालिकाहरूलाई जुकाको औषधि खुवाउने सरकारको तयारी छ ।

स्वास्थ्य मन्त्रालयले संघीय मामिला तथा सामान्य प्रशासन मन्त्रालयमार्फत् सबै स्थानीय तहहरूलाई भिटामिन ए र जुकाको औषधि खुवाउन आवश्यक तयारी गर्न निर्देशन दिएको छ । स्वास्थ्य मन्त्रालयले भिटामिन ए क्याप्सुल खुवाउने समयमा यदि कुनै बच्चा वा स्याहारकर्तालाई ज्वरो आएको वा अन्य कोरोनासँग मिल्दोजुल्दो लक्षणहरू देखिएको छ भने भिटामिन ए क्याप्सुल नखुवाउन आग्रह गरेको छ ।

ज्वरो निको भइसकेपछि मात्र नजिकको स्वास्थ्य संस्थाबाट भिटामिन ए क्याप्सुल खुवाउन मन्त्रालयको आग्रह छ । मन्त्रालयले कोरोना महामारीलाई ध्यानमा राखी ६० वर्ष नाघेका तथा गर्भवती, सुत्केरी महिला स्वास्थ्य स्वयंसेविकाको वैकल्पिक व्यवस्था गर्न सुझाएको छ । मंसिर ११ र १२ गते भिटामिन एसँगै ६ देखि २३ महिनाका बालबालिकालाई लक्षित गरी बालभिटा वितरण गर्न पनि मन्त्रालयले भनेको छ ।

राष्ट्रपतिले गरिन् अस्वीकार,प्रधानमन्त्रीको प्रस्तावलाई

काठमाडौं पछिल्लो समय सत्तारुढ नेपाल कम्युनिस्ट पार्टी (नेकपा)मा देखिएको विवाद अहिले चरम उत्कर्षमा छ । नेकपाका शीर्ष नेताहरुबीचको शक्ति संघर्षका कारण निस्किएको विवादले कुन मोड लिन्छ भन्ने यसै अनुमान गर्न नसकिने भएको छ ।

नेकपा विघटनको फुटमा पुगेको अनुमानसँगै पछिल्लो समय राजनीतिक वृत्तमा संसद विघटन त हुने होइन भन्ने अनुमान पनि गर्न थालिएको छ ।

त्यसो त संसद विघटन गर्ने र मध्यावधि निर्वाचनमा जाने प्रस्ताव बोकेर प्रधानमन्त्री केपी शर्मा ओली ३ मंसिर २०७७ अर्थात् गत मंगलबार साँझ राष्ट्रपति विद्यादेवी भण्डारीकहाँ पुगेको स्रोतको दाबी छ । तर, उनले लगेको यो प्रस्तावलाई राष्ट्रपति भण्डारीले अस्वीकार गरिदिएकी छिन् ।

मंगलबार दिउँसो राष्ट्रपति भण्डारीले नेकपाका अध्यक्ष पुष्पकमल दाहाल प्रचण्डलाई भेटेकी थिइन् । प्रचण्ड राष्ट्रपति निवासबाट बाहिर निस्किए लगत्तै शीतल निवास पुगेका थिए, प्रधानमन्त्री केपी शर्मा ओली । त्यो दिन राष्ट्रपति भण्डारी र प्रधानमन्त्री ओलीबीच झन्डै डेढ घन्टा छलफल भएको थियो ।

स्रोतका अनुसार त्यस भेटमा प्रधानमन्त्री ओलीले अबको विकल्पका रुपमा संसद विघटन गर्ने र अगाडि बढ्ने बताएका थिए । तर, संसद विघटन गर्दा आफ्नो र यो सरकारको छवि थप धुमिल हुने भन्दै राष्ट्रपति भण्डारीले त्यसलाई अस्वीकार गरिदिइन् ।

‘संसद विघटन गर्ने, कोरोना महामारीको कारण देखाएर देशमा संकटकाल लगाउने र मध्यावधि निर्वाचनमा जाने प्रधानमन्त्री ओलीको प्रस्ताव थियो,’ ओलीनिकट स्रोतको दाबी छ, ‘तर, राष्ट्रपति भण्डारीले त्यसलाई अस्वीकार गरिदिनुभयो । अहिले संसद विघटन गरेर गए देशलाई पनि बेफाइदा हुने र आफूहरुको छविमा पनि आँच आउने तर्क उहाँको थियो ।’

आफ्नै कार्यकर्ताले लखेटे नेकपाका स्थायी कमिटी सदस्य पाण्डेलाई

चितवन । नेपाल कम्युनिष्ट पार्टी (नेकपा)का स्थायी कमिटी सदस्य तथा पूर्वअर्थमन्त्री सुरेन्द्र पाण्डे चितवनमा लखेटिएका छन् । चितवन क्षेत्र नं. १ बाट नेकपाका प्रतिनिधिसभा सदस्यसमेत रहेका पाण्डेलाई आफ्नै निर्वाचन क्षेत्रका जनताले लखेटेका हुन् ।

विरेन्द्रनगर आफ्नै निवास छेउमा राप्ती नगरपालिका कमिटीले आयोजना गरेको कार्यक्रमा विकास निर्माण तथा संसद विकास कोषको विषयमा छलफल गर्ने भनिएको थियो तर, विकास निर्माणको एक शब्द पनि उल्लेख नगरी पार्टी अध्यक्ष तथा प्रधानमन्त्री केपी ओलीविरुद्ध अनैतिक शब्दहरु प्रयोग गरेको भन्दै कार्यकर्ताले लखेटेका हुन् ।

चितवनमा रहेका पाण्डेले विभिन्न कमिटीलाई कार्यक्रम आयोजना गर्न भन्दै प्रधानमन्त्री केपी ओलीविरुद्ध अनावश्यक आक्षेपहरु लगाउदै आएका छन् । आफ्नै पार्टीका अध्यक्ष तथा प्रधानमन्त्रीविरुद्ध बेइजत मात्र नगरी जनतालाई भ्रमको खेती गरेकोसमेत कार्यकर्ताले आरोप लगाएका छन् ।

आफ्नो क्षेत्रमा विकासको नेतृत्वसमेत गर्न नसक्ने पार्टीभित्रै गुट तथा उपगुटको नेतृत्व गरी पार्टीलाई विभाजनको अस्थामा पुर्याउन पाण्डेको महत्वपूर्ण भूमिका रहेको भन्दै कार्यकर्ताले लखेटेका एक कार्यकर्ताले बताए । कार्यक्रममा नेता पाण्डेले विकास आयोजनाको कुनै प्रसंग नै नचलाई गुट–उपगुटको चर्चासहित प्रधानमन्त्रीलाई गाली बेइजत गरेका कार्यकर्ताको आरोप छ ।

नेता पाण्डे चितवन विकासको लागि नभई जनता तथा कार्यकर्तालाई भड्काउन आएको समेत एक कार्यकर्ताले बताए ।
पाण्डेले पछिल्लो समय पार्टी एकताको पक्षमा नभई विभाजनको संघरमा पु-याउने प्रकारका अभिव्यक्ति दिदै आएका छन् ।

कमेडियन भारतीको घरमा छापा !

बलिउड ड्र’ग्स केसमा कमेडियन भारती सिंह पनि मुछिएकी छिन् । नारकोटिक्स कन्ट्रोल ब्युरोले भारतीको अन्धेरीस्थित घरमा छापा मा’रेको छ ।

यसका साथै एनसीबीले भारती र उनका पति हर्ष लिम्बाचियालाई बयान दिन उपस्थित हुन नोटिस पठाएको छ । पछिल्लो समय एनसीबीले ड्रग्स केसमा कैयौं स्टारहरुलाई निशाना बनाएको छ । हालै अभिनेता अर्जुन रामपालको घरमा पनि छापा मारिएको थियो । भारती पछिल्लो समय द कपिल शर्मा शोमा व्यस्त छिन् ।

आइतबार देखि नि:शुल्क पिसिआर परीक्षण गर्ने काठमाडौं महानगरले

काठमाडौं महानगरपालिकाले आइतबार देखि निःशुल्क पीसीआर परीक्षणका लागि स्वाब संकलन गर्ने भएको छ। शनिबार राष्ट्रिय विभूति शंखधर साख्वा र मानव अधिकार अभियान अगुवा पद्मरत्न तुलाधरको शालिक अनावरण कार्यक्रममा मेयर विद्यासुन्दर शाक्यले नि:शुल्क पीसीआर परीक्षण गराउन लागेको जानकारी दिएका हुन्।

उनले कार्यक्रममा पत्रकारहरूसँग बोल्दै आइतबार देखि स्वाब संकलन गर्ने कार्यलाई पुन: सूचारू गर्न लागेको बताए।
यस्तै कन्ट्याक्ट ट्रेसिङमा परेका अशक्त र जेष्ठ नागरिकको पीसीआर परीक्षणका लागि स्वाब संकलन गर्न मोबाइल भ्यान सञ्चालन गर्ने तयारी समेत रहेको उनले बताए।

महानगरले परीक्षणको दायरा फराकिलो बनाउने तयारीका साथ अघि बढेको भन्दै कन्ट्याक ट्रेसिङमा परेका र लक्षण देखिएकालाई मात्र पीसीआर टेष्ट गर्न मेयर शाक्यले आग्रह गरेका छन्।

एक्लै सगरमाथा चढ्ने भारतीय नागरिकको घोषणा अक्सिजनविना

काठमाडौं । भारतको उत्तरप्रदेशका २७ वर्षीय युवक अर्जुन वाजपईले आगामी मे महिनामा विनाअक्सिजन एक्लै विश्वको सर्वाेच्च शिखर सगरमाथा चढ्ने घोषणा गरेका छन् ।

१० वर्ष पहिला सबैभन्दा कम उमेरमा सगरमाथाको आरोहण गर्ने भारतीय नागरिकको पहिचान बनाएका उनले फेरि सगरमाथा चढ्ने योजना बनाएका हुन् । त्यतिबेला उनी १६ वर्षका थिए र एउटा आरोहण दलको सदस्यको रुपमा सगरमाथा चढेका थिए । यस अगाडि उनले नेपालका झण्डै आधा दर्जन हिमालको आरोहण गरिसकेका छन् ।

म सफल भएँ भने एक्लै सगरमाथा चढ्ने म पहिलो भारतीय नागरिक हुनेछु,’ उनले द हिन्दुस्तान टाइम्स पत्रिकासँग भनेका छन् । एक्लै चढ्नका लागि नेपालले अनुमति नदिए चीन तर्फबाट सगरमाथा चढ्ने उनको योजना छ ।

कोरोना अपडेट

दमक/झापाको दमकमा शनिबार (आज) सम्ममा कोरोना संक्रमितको संख्या ८ सय ५५ पुगेको छ । केही दिन अघि नमुना संकलन गरि परिक्षणमा पठाइएकाहरुको प्राप्त पछिल्लो विवरण अनुसार ६ जना नयाँ संक्रमित थपिएसंगै दमकमा कूल संक्रमितको संख्या ८ सय ५५ पुगेको हो ।

ति मध्ये २७३ जना उपचारमा छन । दमकका कोही पनि हाल जटिल अवस्थामा नरहेका बताइएको छ ।

स्वास्थ्य शाखा स्रोतले भन्यो – अहिले दमकका कोही पनि संक्रमित आइसियू वा भेन्टिलेटरमा रहेका छैनन , यसो हुनु भनेको तत्काल संक्रमित सबैको स्वास्थ्य अवस्था खतरामुक्त छ भन्ने हो । नगरपालिकाको स्वास्थ्य शाखाका कुबेर भट्टराईका अनुसार हाल सम्म दमकमा ५५३ जना कोरोना संक्रमणमुक्त भएका छन भने २९ जना मृतकमा कोरोना संक्रमण देखिएको छ ।
कोभिड उपचार केन्द्रमा ११ जना उपचाररत
यसैबीच दमकको बेलडाँगीस्थित नगरपालिकाद्धारा सञ्चालित कोभिड उपचार केन्द्रमा हाल ११ जना कोरोना संक्रमित उपचाररत छन । शनिबार दिउँसो सम्मको यो तथ्याङक हो । ३० बेड क्षमताको सो कोभिड उपचार केन्द्रमा बेड खाली रहेको अवस्थामा दमकबाहिरका संक्रमितलाई सेवा दिने गरिएको नगरपालिकाको स्वास्थ्य शाखाले जनाएको छ । सो उपचार केन्द्रमा उपचाररत एक जनाको मृत्यु भएको छ भने त्यहाँबाट विराटनगर रेफर गरिएका अर्का एक र त्यहाँ ल्याइँदै गरेका अर्का एकको गेटमा ल्याइ पुरयाउनासाथ मृत्यु भएको छ ।

दीपिका पादुकोण यस्ता विवादमा फसेकी थिइन्

एजेन्सी – बलिउड अभिनेत्रीहरुका लागूपदार्थसँगको सम्बन्धको विषयमा खुलासा हुन थालेको छ । एनसीबीले लागूपदार्थको विषयमा रिया चक्रवर्तीलाई पक्राउ गरेर सोधपुछ गरेको छ । यससँगै रियाले बलिउडका २५ सेलिब्रेटीहरुलाई समेत यस काण्डमा मुछेकी छिन् । यसमा सारा अली खान, रकुल प्रीत सिंह, सिमोन खंबाटाका साथै दीपिका पादुकोणको नाम पनि तानिएको छ ।

दीपिका पादुकोण यो मात्र होइन यसअघि पनि विभिन्न विवादमा फसिसकेकी छिन् ।

सुशान्त सिंह राजपूतकी म्यानेजर जया साहाको एक च्याटमा ‘डी’ र ‘के’ नाम उल्लेख भएको छ । एनसीबी सुत्रका अनुसार ‘डी’ को मतलब दीपिका पादुकोण र ‘के’ को मतलब करिश्मा हो । दीपिकाले उक्त च्याटमा जयासँग ‘ह्याश’ (उच्च कोटीको लागूपदार्थ) मगाएकी छिन् ।

यसअघि पनि ‘छपाक’ फिल्म रिलीज भएको समयमा उनी जवाहर लाल नेहरु विश्वविद्यालयमा आन्दोलनरत छात्राहरुसँग देखिइन् । जुन कुरालाई फिल्म प्रमोशनसँग जोडियो । विरोध गरिरहेका छात्राहरुसँग एकसाथ देखिएकी दीपिकालाई बीजेपीका नेता तजेन्द्रपाल बग्गासहित थुप्रै संगठनले दीपिकाको विरोध गर्दै उनको फिल्म बहिस्कारको आन्दोलन नै चलाए ।

यस्तै, सन् २०१७ मा रिलीज भएको फिल्म ‘पद्मावत’ को रिलीज हुनुभन्दा अगाडि देशमा फिल्मविरुद्ध धेरै विरोध प्रदर्शन भयो । करणी सेनाले फिल्मको नामले इतिहासलाई तोडमोड गरेको भन्दै विरोध गरेको थियो । गुजरातमा कांग्रेसका सहयोगी हार्दिक पटेल र अल्पेश ठाकोरले फिल्मको खुलेर विरोध गरे । केही सिनेमाघर समेत तोडफोड गरियो ।

सन् २०१५ मा रिलीज भएको फिल्म ‘बाजीराव–मस्तानी’ पनि निकै विवादित बन्यो । दीपिका पादुकोण, प्रियंका चोपडा र रणवीर सिंहको मुख्य भूमिका रहेको यो फिल्मले रानी मस्तानीको बंशजको बारेमा इतिहासलाई तोडमोड गरेको आरोप लागेको थियो । ऐतिहासिक तथ्यसँगै फिल्ममा मस्तानीलाई पूरै सभाको अगाडि नाचेको कुरालाई लिएर विरोध भयो ।

दीपिकाको अर्को फिल्म पनि उत्तिकै विवादमा फसेको थियो । उक्त फिल्म सन् २०१५ मा रिलीज भएको ‘तमाशा’ हो । उक्त फिल्मको दौरान पनि निकै विवादमा आएकी दीपिकाले आफूलाई डिप्रेशन भएको खुलासा गरिन् । त्यसपछि उनले ‘लिभ लभ लाफ’ नाम संस्था खोलिन् ।

उनको सन् २०१३ मा रिलीज भएको फिल्म ‘गोलियों की रास लीला–रामलीला’ पनि विवादित भयो । यो फिल्मको पनि नामलाई लिएर निकै विवाद भएको थियो ।

उनी २०१४ मा पनि निकै विवादित भइन् । उनले एउटा चर्चित वेभसाइटले दीपिकाको भिडियो शेयर गरेको थियो । उनले उक्त भिडियो स्त्रिन सट लिएर ट्विट गरेकी थिइन्, ‘के देशको प्रमुख अखबारलाई यही हो समाचार ?’ उनी यति मात्र कुराले शान्त भइनन् उनले अगाडि लेखेकी थिइन्, ‘हो म एक महिला हुँ । मसँग स्तन र पुठ्ठा छ, योसँग तपाईंलाई के मतलब ?’

फिल्मबाट निकालिएको तापसीको खुलासा

एजेन्सी – बलिउड अभिनेत्री तापसी पन्नुले बलिउड फिल्म उद्योगमा आफ्नो संघर्षको दिनहरुको बारेमा खुलासा गरेकी छिन् ।

उनलाई फिल्ममा अभिनेताकी पत्नीका कारण खेल्न दिइएको थिएन । अभिनेताकी पत्नीले फिल्ममा तापसीलाई राख्न नमानेपछि उनलाई फिल्मबाट हटाइएको थियो ।

तापसीले एक पटक फिल्म डभिङ गरिरहेकी थिइन् । फिल्म डभिङको क्रममा अभिनेतालाई फिल्मको डाइलग मन परेन । अभिनेताले डाइलग परिवर्तन गर्न आग्रह गरे । तर तापसीले नमानेपछि उनको डाइलग डब गरेर उनलाई हटाइयो ।तापसीले पिंक, मुल्क, थप्पड जस्ता सुपरहिट फिल्ममा समेत काम गरेकी छिन् । एकपटक अभिनेताले फिल्ममा इन्ट्रोडक्सन सीन परिवर्तन गर्न समेत लगाएको तापसीले खुलासा गरेकी छिन् । उनका अनुसार अभिनेताले उनको इन्ट्रोडक्सन पार्ट अभिनेताभन्दा राम्रो भएकाले अभिनेताले उक्त सीन परिवर्तन गर्न लगाएका थिए ।