साबधान ! यी खानेकुराहरु खाँदै नखानूहोस् कोरोना संक्रमित भएका व्यक्तिले

काठमाण्डौं । कोरोना संक्रमण भएपछि खानेकुराहरुमा विशेष ध्यान दिन जरुरी छ । जुन खानेकुराले हाम्रो शरीरलाई बलियो बनाउन मद्धत गर्दछ भने रोग प्रतिरोधात्मक क्षमतालाई पनि कमजोर हुनबाट बचाउँछ त्यस्ता खानेकुराहरु मात्र खाने गर्नुपर्छ । कोरोना संक्रमित भएका व्यक्तिले निम्न खानेकुराहरुबाट टाढै बस्नु होला ।

प्याक गरिएको खाना
कोरो’ना संक्रमित भएका व्यक्तिले प्याक गरिएको खानाबाट टाढै बस्न आवश्यक हुन्छ । यो खानेकुरा बासी हुने भएकाले यस किसिमका खानेकुरामा शरीरलाई चाहिने पोषक तत्वकोे कमी हुन्छ ।

प्याक गरिको खानाभन्दा बढी फाइदा ताजा पकाइएका खानेकुरामा ताजा आफूलाई मन पर्ने किसिमले पकाएर खाने बानी बसालौ । यदि आफन्तलाई कोरोना संक्रमण भई आईसोलेसनमा बसेको छ भने पनि ताजा र पोषिलो खानेकुराहरु खान दियौँ ।

मसालेदार खाना
को’रोना लागेको व्यक्तिले धेरै मसालेदार खानाको सेवन गर्नु हुँदैन । थारै मसाला ठिक हुन्छ तर धेरै सेवन गर्नाले यसले नकरात्मकम रुप लिन सक्छ । कोरोना लागेको व्यक्तिमा रोग प्रतिरोधात्मक क्षमतमको कमी भएको हुन्छ ।
त्यसैले मसालेदार खानाको सट्टा सादा र पोषिलो खानामा ध्यान दिन आवश्यक छ । खानामा खिचडीको प्रयोग पनि राम्रो मानिदै आएको छ । खानामा खिचडीको प्रयोग गर्दा खाना छिट्टै पच्छ र स्वास्थ्यका लागि पनि राम्रो हुन्छ ।

चिसो पेय पदार्थ
को’रोना संक्रमित व्यक्तिले चिसो पेय पदार्थ तथा सोडा भएको पेय पदार्थको सेवन गर्नु राम्रो हुँदैन । कोरोना संक्रमित व्यक्तिले भने तातो पानी, बेसार पानी, काँढा, कागती पानी जस्ता पदार्थको सेवन गर्नु नै राम्रो हुन्छ । कागती पानीले रोग प्रतिरोधात्मक क्षमता बढाउन मद्धत गर्दछ । दूध बेसार पाि राम्रो मानिदै आएको छ ।

तारेको खानेकुराहरु
बनाउन सजिलो भएता पनि तारेको खानाले हाम्रो शरीरललाई भने फाइदा गर्दैन । तारेको खानामा अस्वस्थ बोसोको मात्रा बढी रहेको हुन्छ जसले गर्दा पच्न गाह्रो हुन्छ । तारेको तथा फ्राई गरिएको खानेकुराले शरीरको तौल बढ्ने गर्दा यसले अन्य रोगहरु पनि निम्त्याउने गर्छ ।

यस किसिमको खानेकुराले रोग प्रतिरोधात्मक क्षमतमलाई असर पुर्याउने गर्छ । यस किसिमका खानेकुराभन्दा ताजा तथा काचो फलफूल शरीरका लागी फाइदाजनक रहेको हुन्छ ।

२४ घण्टामा ६ को मृत्यु ४१९ संक्रमित थपिए,

बितेको २४ घण्टामा देशभर थप ४१९ जनामा कोरोनाभाइरसस संक्रमण पुष्टि भएको छ । यससँगै देशभर कोरोना संक्रमितको कुल संख्या २ लाख ६१ हजार ४३८ पुगेको छ ।
जसमध्ये २ लाख ५३ हजार ८५७ निको भएका छन् । बितेको २४ घण्टामा मात्रै ७५० जना निको भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार बितेको २४ घण्टामा थप ६ जनाको मृत्यु भएको छ भने यससँगै कुल मृतकको संख्या १८७० पुगेको छ ।

हाल देशभर सक्रिय संक्रमित ५ हजार ७११ जना रहेको पनि मन्त्रालयले जनाएको छ ।

अनेक फाइदा अलैंचीको हेर्नुहोस

काठमाडौं– नेपालका विभिन्न जिल्लाहरुमा अलैंची उत्पादन हुन्छ । तर अलैंचीको फाइदा बारे धेरैलाई थाहा नहुन सक्छ ।
अलैंचीले खानाको स्वादलाई मीठो बनाउन मात्र भूमिका खेल्दैन, यसले विभिन्न रोगको उपचारमा समेत सहयोग पुर्‍याउँछ । अहिलेको बदलिँदो मौसमले धेरैलाई खोकी लगाउँछ ।

खोकी लागेको बेलामा अलैंचीको चिया या रस पिउँदा चिसोदेखि राहत मिल्छ । अलैंचीले हाम्रो शरीरका धेरै रोगबाट छुटकारा दिलाउँछ।
साथै यसको प्रयोगले तपाईंको छालामा पनि निखार ल्याउँछ । आजकल मानिस यति व्यस्त भए कि, उनीहरुलाई छिटो थकाइ लाग्ने र तनाव पनि हुन्छ ।
यदि तपाइँले अलैंचीको दानालाई राम्रासँग पिसेर प्रयोग गर्दा पनि यसले तनाव कम गर्छ । साथै तपाइँको तनावलाई पनि अलैंचीले कम गर्छ ।

टिकटक बनाउँदा पुलबाट बजारिएका युवकको मृत्यु दाङमा

दाङमा टिकटक बनाउँने क्रममा पुलबाट बगरमा बजारिएका एक युवकले ज्यान गुमाएका छन् । ती युवक टिकटक बनाउने क्रममा झोलुङ्गे पुलबाट खसेर घाइते भएका थिए । उनको दाङमा उपचार हुन नसकेपछि कोहलपुरमा उपचार हुँदै थियो ।

ती युवा तुलसीपुर उपमहानगरपालिका १९ बिजौरीका २४ वर्षीय रमेश थापा रहेको बताइएको छ । उनको उपचारका क्रममा सोमबार बाँकेस्थित कोहलपुर मेडिकल कलेजमा ज्यान गएको हो ।

सामाजिक सञ्जाल प्रयोगकर्ताले सावधानी नअपनाउँदा दुर्घटना निम्तने गरेको छ । ती युवा पिकनिक मनाउने क्रममा गएका र बबई गाउँपालिका ५ पुरन्धारा झरना नजिकैको बबई नदीको झुलुङ्गे पुलमा यस्तो घटना भएको थियो

टिकटक बनाउन पुलको सपोर्टमा चढेका उनी त्यहाँवाट खसेका थिए । उनको अवस्था गम्भिर थियो । गम्भीर घाइते थापालाई राप्ती प्रादेशिक अस्पताल तुलसीपुरको प्रारम्भीक उपचारपछि थप उपचारका लागि बाँकेको कोहलपुर मेडिकल कलेजमा रेफर गरिएको थियो ।

शनिबार रमाईलो गर्ने भन्दै केही साथीहरु त्यस तर्फ गएका थिए । करिब २ दर्जन युवाहरु रमाइलो गर्दै गरेको अवस्थामा उनी अचानक पुलवाट खसेका थिए । पर्यटकीयस्थल पुरन्धारा झरनामा पिकनिक खान गएका उनीहरुको यस्तो दुर्घटना भएको थियो ।

थापा झन्डै २० मिटर माथिको पुलबाट बगरमा बजारिएका थिए । त्यसको भिडियो पनि सार्वजनिक भएको थियो । हात गलेपछि तल खसेको भिडियो देख्न सकिन्छ ।

दुर्गन्धले कर्मचारी बिरामी सरकारी कार्यालय बन्यो डम्पिङ साइट !

झापाको गौरादह–१ मा रहेको वडा कार्यालय र हुलाक कार्यालय परिसर फोहोर फाल्ने डम्पिङ साइट बनेको छ । सरकारी कार्यालय परिसरमा फोहोरको डंगुर हुँदा सम्बन्धित निकाय भने मौन छ ।

दुर्गन्धित फोहोरका कारण कर्मचारी र सेवाग्राही भने कार्यालयमा बस्नै नसक्ने अवस्थामा पुगेका छन् । यो ठाउँमा नगरबाट उत्पादित फोहोर वर्षौंदेखि फालिँदै आएको छ । गौरादहमा अन्त कहीँ फोहोर फाल्ने ठाउँ नभएका कारण यहीँ फाल्ने गरिएको छ ।

गौरादह बजार क्षेत्रबाट दैनिक उत्पादन हुने फोहोर हुलाक र वडा नम्बर १ को कार्यालय परिसरमा फाल्ने गरिएको छ । वडा कार्यालयसँगै इलाका हुलाक कार्यालय गौरादह र गौरादह सामुदायिक कृषि सहकारी संस्थाको कार्यालय छ । सरकारी कार्यालय डम्पिङ साइट बन्दा कर्मचारीले काम गर्नसमेत सकेका छैनन् ।

दुर्गन्धले कर्मचारी बिरामी

वडा कार्यालयसँगै पुरानो भवनमा जोडिएको हुलाक कार्यालयका कर्मचारीलाई काम गर्न सबैभन्दा मुस्किल भएको छ । फोहोरको दुर्गन्धकै कारण उनीहरू बिरामी पनि पर्ने गरेका छन् । फोहोर फाल्ने गरेको सरकारी कार्यालयसँगै बजार पनि जोडिएको छ । ‘फोहोर यहाँबाट हटाउन कतिपटक आग्रह ग¥यौँ । कसैले सुन्दैन । यहाँ त दुर्गन्धले बसिसक्नु नै हुँदैन । फोहोर फालेकै ठाउँबाट कार्यालय आउनुपर्छ,’ इलाका हुलाक कार्यालय गौरादहका कर्मचारी युवराज पोखरेलले भने, ‘हामीलाई त फोहोरकै कारण अन्य संक्रमणको खतरा छ ।’

हुलाकका कर्मचारी शौचालय जाँदासम्म त्यही फोहोरलाई टेकेर जानुपर्ने बाध्यता छ । ‘शौचालय हुलाक कार्यालय भएको पछाडिपट्टि छ । शौचालय जानैपर्छ । जाँदा यही फोहोरको बाटो भएर जानुपर्छ,’ उनी भन्छन्, ‘यही फोहोरका कारण साँझमा आएर अरूले फोहोरमाथि दिसापिसाब गरेका हुन्छन् । हिँड्नै मुस्किल पर्छ ।’

वडा कार्यालयले चासो नदिएको गुनासो

फोहोर फाल्ने ठाउँ वडा कार्यालय भएकै परिसर हो । तर, वडा कार्यालय जाने गेट छुट्टै छ । जसका कारण पनि वडा कार्यालयले चासो नदिएको सेवाग्राही रमेश पौड्याल बताउँछन् । ‘दुर्गन्धित फोहोरका कारण यो ठाउँमा त आउनै मन लाग्दैन । सरकारी कार्यालयमा गाडीका गाडी फोहोर ल्याएर फाल्छन्,’ उनी भन्छन्, ‘वडा कार्यालय त नजिकै छ । वडाध्यक्षले देख्दैनन् कि क्या हो ? कि अर्को गेटबाट हिँड्नुपर्छ, त्यही भएर देख्नुभएन कि !’ फोहोर व्यवस्थापनमा गौरादह नगरपालिकाको दीर्घकालीन योजना नहुँदा सरकारी कार्यालयलाई नै डम्पपिङ साइट बनाइएको छ । फोहोरमैला व्यवस्थापन ऐनअनुसार फोहोरमैला व्यवस्थापनको दायित्व स्थानीय तहको हुन्छ । फोहोरमैला व्यवस्थापनका लागि आवश्यक पूर्वाधार स्थानीय तहले नै बनाउनुपर्ने हुन्छ । स्थानीय तहले फोहोर व्यवस्थापनका लागि ल्यान्डफिल्ड साइट निर्माण गर्दासमेत वातवरणीय प्रभावलाई ध्यान दिनुपर्ने हुन्छ ।

ऐनअनुसार स्थानीय तहले फोहोरमैला स्थानान्तरण केन्द्र तोक्दा जनस्वास्थ्य तथा वातावरणमा प्रतिकूल असर नपर्ने गरी तोक्नुपर्नेछ र यसरी तोकिएको स्थललाई दुर्गन्ध नआउने गरी आवश्यक व्यवस्थासमेत गर्नुपर्नेछ । तर, गौरादह नगरपालिकामा भने जनताको आवतजावत हुने सरकारी अड्डाको आँगनमा फोहोर फाल्ने गरिएको छ ।

जनप्रतिनिधिको तर्क– अन्त फाल्ने ठाउँ भएन

बजारबाट उत्पादन भएको फोहोर फाल्ने ठाउँ नभएकाले सरकारी कार्यालयअगाडि फालिएको गौरादह–१ का वडाध्यक्ष नगेन्द्र भण्डारीले बताए । ‘गौरादहमा फोहोर फाल्ने विकल्प छैन । फाल्ने ठाउँ नभएर त्यहाँ फालेका हौँ । जहाँ पायो त्यहीँ फाल्नु भएन,’ उनले भने, ‘विकल्प नभई कहीँ न कहीँ त राख्नैपर्‍यो, पहिलादेखि नै फाल्दै आएका हौँ । अब व्यवस्थित गर्छौं ।’

नगरबाट दैनिक दुई ट्याक्टरसम्म फोहोर उत्पादन हुने गरेको नगरपालिकाकी उपप्रमुख गीता भेटवालले जानकारी दिइन् । सरकारी अड्डा परिसरमा फालिएको फोहोरले दुर्गन्ध फैलाएको उनले स्वीकार गरिन् । तर, व्यवस्थापनको नयाँ योजना सुनाइनन् । बरु, फोहोर व्यवस्थापनका लागि नगरले काम गरिरहेको उनले दाबी गरिन् ।

‘फोहोर व्यवस्थापनका लागि नगरले प्रत्येक वर्ष बजेट छुट्याउँछ । तर, व्यवस्थापनको उचित काम हुन सकेको छैन । अहिले ठाउँ पनि तयारी अवस्थामा छ । त्यसको व्यवस्थापनका लागि हामीले समिति बनाएका थियौँ,’ उनले भनिन्, ‘त्यो समितिले गर्छ भन्दाभन्दै ढिला भयो । अब हामी आफैँ गर्छौं । अब चाँडै फोहोर व्यवस्थापनको काम हुन्छ ।’ फोहोर व्यवस्थापनका लागि गाडीको व्यवस्थापन पनि सकिएको उनले बताइन् ।

गाडीले ठक्कर दिएर दुर्घटनामा मृ’त्यु भए भनिएका नेपाली जिवितै,दुबईमा

वैदेशिक रोजगारीमा गएका आफन्तको दुर्घटनामा मृ’त्यु भएको खबर सुनेर बाँके कोहलपुर ११ का गोविन्दको परिवारमा ठूलो बज्रपात पर्यो । दुवईमा रहेका ३८ वर्षका गोबिन्दप्रसाद शर्मालाई अरबी युवतीले चलाएको गाडीले ठक्कर दिएर मृ’त्यु भएको खबर शुक्रवार आएपछि उनको परिवार शोकमा थियो । दुर्घटना स्थलवाटै एक जना बंगाली ट्याक्सी चालकले परिवारका सदस्यलाई नेपालमा फोन गरेर गोबिन्दको मृ’त्यु भएको जानकारी दिएका थिए ।

दुवईमा आफन्त कोही नभएका कारण गोबिन्दलाई कहाँ र कसले लग्यो भन्ने समेत जानकारी नहुँदा परिवार निकै ठूलो चिन्तामा थियो । तर आइतवार आएको एउटा सुखद् खबरले भने परिवारमा केही खुसी छाएको छ । मृ’त्यु भएको भनिएका गोबिन्द घाइेत अवस्थामा उपचारार्थ अस्पतालमा रहेको जानकारी आएपछि परिवारमा खुसी छाएको छ । तर कसैले दिएको गलत र आधा सूचनाका कारण गोबिन्दको परिवारले २ दिन सम्म निकै तनाव मा बिताउनु परेको छ ।

दुवईको अस्पतालमा गोबिन्दलाई भेट्न गएका हर्क चन्द ठकुरीले घटनाको वास्तविकता खुलाएर सामाजिक सञ्जालमा फेसवुकमा स्टटास लेखेपछि गोबिन्दको अवस्थाको बारेमा वास्तविक जानकारी अथाहा पाएको हो । उनले नेपालवाट गोबिन्दको आफन्तले उनको मृ’त्यु भएको र अस्पतालमा श’व छ बुझ्न जानु भनेर खबर आएपछि आफु भेट्न जाँदा गोबिन्दलाई जिवितै फेला पारेको बताएका छन् ।
फेसवुकमा उनले लेखे मृ’त्यु भएको लास हस्पिटल राखिएको छ भनेर नेपाल देखि खबर सुनेर हामि हस्पिटल लास भेट्न जादा जिवित मान्छेलाई भेटेर आएको जानकारी गर्द्छु ।

जन्म घर सुर्खेत गुमि हाल बाँके कोहलपुर निवासी हाल युएई को रस अल खैमाह को खरान मा बस्दै आएका बर्ष ३८का गोबिन्द प्रसाद शर्मा हिजो मिति डिशेम्बर ११ तारिक शुक्रबार को बेलुकाको ६।३० बजे आफु बस्ने अगाडी खरान को रोड क्रस गर्ने क्रममा अरेबि केटिको गाडी देखि दुर्घटना भएर घाइते हुनु भएको रहेछ । घटनास्थलमा घाइतेको आफन्त र नेपाली कोहि नभएकोले पुलिसलाई जानकारी प्राप्त भएकोले पुलिस घटना स्थल पुगेर घाइते लाइ साकार हस्पिटल लगेर आईसियुमा भर्ना गरेको रहेछ ।

घटनास्थलको नजिक हुने बङाली ट्याक्सि ड्राइभरले नेपाल घाईतेको आफन्तलाई फोन गरि गोबिन्द प्रसाद शर्मा रोड एक्सिडेन्ट् परेर मृ’त्यु भैसकेको र ला’स सेफ हस्पिटल लगेको खबर पुर्‍याएको हालखबर बुझिदिनु भनेर मलाई फोन आयो । नेपालवाट आफन्त पर्ने दैलेख बजार निवासी दैलेख नेशनल इन्स्योरेन्स कम्पनी का एकाउन्टेन् मणि कुमार रिमाल दाजु ले मलाई बिहानै खबर गर्नु भयो ।