नेपाल समुहले आज सामुहिक राजीनामा नदिने

काठमाडौं- नेकपा एमालेका माधव नेपाल समुहले तत्काल सामुहिक राजिनामा नदिने भएका छन् । स्थायी कमिटीको बैठकले विपक्षी गठबन्धनको सरकार बन्ने अवस्थामा मात्रै सांसद पदबाट राजीनामा दिने निष्कर्ष निकाल्दै तत्कालका लागि राजिनामा नदिने निर्णय गरेको हो ।

आइतबार बसेको स्थायी कमिटीको बैठकले ओलीका पक्षमा बहुमत नपुग्ने निश्चित भएकाले तत्काल राजीनामा दिनुको अर्थ नहुने निष्कर्ष निकालेको हो । उनीहरूले जसपा तटस्थ बस्ने भएपछि प्रधानमन्त्री ओलीको बहुमत नपुग्ने निष्कर्ष निकालेको बताइएको छ ।

घनश्याम भुसाल, सुरेन्द्र पाण्डे, योगेश भट्टराई र गोकर्ण विष्टलगायतका नेताहरू सामुहिक राजीनामाको विपक्षमा रहेको बताईएको छ । उनीहरूले परिणाम निस्कने अवस्थामा मात्र राजिनामा दिनु उचित हुने तर्क गरेका थिए ।

एक नेताका अनुसार अहिले नै विपक्षी गठबन्धनको सरकार बन्ने अवस्था नभएकाले सांसद पदबाट राजीनामा दिनुको अर्थ नभएको र परिणाम पनि नआउने देखेर राजिनामा रोकिएको हो ।

माधव नेपाल समुहका सांसदले सामुहिक राजीनामा हल्ला चलेपछि प्रधानमन्त्री ओलीले नेपालसँग संवाद गर्न विष्णु पौडेल र सुवास नेम्वाङलाई पठाएका थिए । पौडेल र नेम्वाङले ओलीलाई मनाउने भन्दै राजिनामा नगर्न सुझाव दिएका थिए ।

नेता नेपालले भने २ जेठ ०७५ मा पार्टीका कमिटी फर्काउनुपर्ने पुरानै अडान राखेका थिए ।

यससँगै माधव नेपाल समुहले ओलीको पक्षमा मतदान गर्ने भएको छ । राजिनामा नदिएपछि पार्टीको ह्विप मान्नुपर्ने भएकाले ओलीलाई विश्वासको मत दिने भएका हुन् । विश्वासको मत नदिएको खण्डमा पार्टीले कारबाही गर्नेछ ।

रित्तो हात कांग्रेस फर्किए टिकट पाउन एमाले आए

नेपाली राजनीतिमा नयाँनयाँ घटनाको पटाक्षेप हुँदैछ । केही दिनअघि गण्डकी प्रदेशको राजनीति केन्द्रमा थियो । आइतबार त्यो स्थान लुम्बिनी प्रदेशले ओगट्यो ।

आइतबार लुम्बिनी प्रदेशमा जेजस्ता राजनीतिक घटनाक्रम भए त्यसले केन्द्रलाई समेत तरंगित तुल्याएको छ । संघीयता कार्यान्वयनको प्रारम्भिक चरणमा मुलुक रहेका बेला प्रदेशको अस्थिरताले यसको आयू नै तोकिदिन्छ कि भन्ने टिप्पणी पनि भयो ।

अझ रोचक त, लुम्बिनी प्रदेशका दृगनारायण पाण्डेले अनाहकमा सांसद पद गुमाए । बिहान पार्टी संसदीय दलको बैठकमा भाग लिएर नेतामा शंकर पोखरेललाई समर्थन गरेका कपिलवस्तु २ (क)बाट निर्वाचित पाण्डे चार घण्टा पनि आफ्नो निर्णयमा अडिन सकेनन् ।

पोखरेलले मुख्यमन्त्रीको शपथ लिँदा नलिँदै उनले सांसद पदबाट राजीनामाको घोषणा गरे । बेलुका नै प्रदेश सचिवालयले उनले सांसद पद त्याग गरेको सूचना टाँस्यो ।

एमाले स्रोतका अनुसार उनी २०७४ को चुनावअघि कांग्रेसबाट एमाले प्रवेश गरेका थिए । एमालेको लहर देखेर तरंगित बनेका उनले कांग्रेस त्यागे । एमाले प्रवेश गर्नासाथ उनले प्रदेशसभाको टिकट पाएका थिए । प्रदेश सभाको महत्त्वपूर्ण समिति सामाजिक विकास समिति सभापति थिए ।

शंकर पोखरेलको राजनीति र मुख्यमन्त्रीमा दोहो¥याएर शपथ लिँदा पुनः तरंगित बनेका उनी अन्ततः सांसद पद गुमाउन पुगेका छन् । सोमबार रित्तै हात उनी पुनः कांग्रेस प्रवेश गरेको उनीनिकट नेताहरूले जानकारी दियो ।

गोली हानाहान विप्लव समूहका कार्यकर्ता र प्रहरीबीच

काठमाडौं । संखुवासभामा प्रतिबन्धित नेत्रविक्रम चन्द नेतृत्वको विप्लव समूह र नेपाल प्रहरीबीच गो’ली हानाहान भएको छ ।

विशेष सुराकीका आधारमा खटिएको जिल्ला प्रहरी कार्यालय, संखुवासभाको टोली चैनपुर–४, मैदानेमा पुगेपछि समूहका कार्यकर्ताले प्रहरीलाई लक्षित गरेर फायर खोलेका थिए ।

त्यसपछि प्रहरीले जवाफी फायरिङ गरेको हो । विप्लव समूहका कार्यकर्ताले ५ राउण्ड फायरिङ गरेका थिए भने प्रहरीले दर्जन बढी गोली चलाएको स्रोतले बतायो ।

रामकुमारी झाँक्री भन्छिन ‘म जतिबेला पनि मारिन सक्छु’

नेपाल कम्युनिष्ट पार्टी नेकपाकी नेतृ रामकुमारी झाँक्रीले आफू जतिबेला पनि मारिने सक्ने बताएका छिन् । शनिबार सामाजिक सञ्जाल टिकटकमा लाइभ भिडियो मार्फत् भावुक हुँदै उनले यस्तो बताईन् । उनले राष्ट्रपति बिद्या भण्डारी र प्रधानमन्त्री केपी शर्मा ओलीले देशलाई बर्बाद बनाएको बताएकी छिन् ।

ओली र भण्डारीप्रति इंगित गर्दै जनताले चुनेका ब्यक्ति नै राजाभन्दा निरंकुश देखिएको बताएकी छिन् । संबिधानको चीर हरण गर्नेहरुलाई बालुवाटार र शितल निवासबाट गलहत्याएर निकाल्ने दिन आउने भन्दै त्यो बेला आफू नहुन पनि सक्छु भन्दै उनी भावुक बनिन् ।

करिब एक घण्टा लामो लाइभमा उनले गाउँमा पार्टी सदस्यता लिन आफूले गरेको संघर्षदेखि राजतन्त्रमा राजकाज मुद्धासम्म भोग्नु परेको स्मरण गर्दै ओलीले जनतामाथि घात गरेको पनि बताईन् ।

केपी ओलीले अरुलाई मान्छे नै नमान्ने भएका कारणले आज यो अवस्था सिर्जना भएको बताएकी छिन् । ओली र भण्डारीको निरंकुशता एक महिनामै टुंग्याइदिने पनि उनले दाबी गरेकी छिन् ।

काभ्रेबाटै ११ जना ओली समूहको केन्द्रीय सदस्यमा

काभ्रे : प्रधानमन्त्री केपी शर्मा ओलीले घोषणा गरेको नयाँ केन्द्रीय सदस्यमा काभ्रेबाट ६ जना परेका छन्। बालुवाटारमा बसेको केन्द्रीय कमिटीको बैठकबाट उनीहरुसहित थपिएका ५ सय ५६ सदस्यलाई मनोनितसँगै आजै शपथ ग्रहण गराइएको छ।

काभ्रेबाट ओली समूहको केन्द्रीय सदस्य हुनेहरुमा रामहरि सुवेदी (संविधान सभा सदस्य), चन्द्र लामा (प्रदेश सभा सदस्य), भीम न्यौपाने (पनौती नगरपालिकाका मेयर), अशोक कुमार व्यञ्जु (धुलिखेल नपाका मेयर), नवीना लामा (पूर्वएमालेनिकट अनेरास्ववियु अध्यक्ष), नारायण पाण्डे, डा. अम्वु भवानी कार्की, रीता ढकाल ‘ धरिना’, रुक्मणि थापा ‘अस्मिता’, कुमार खकुरेल र कुमार थापा छन्।

ओली समूहका लागि काभ्रेबाट केन्द्रीय सदस्य भएका ११ जनामध्ये ९ जना पूर्वएमालेकै छन्। पूर्वमाओवादीतर्फका २ जना छन्। ओली समूहमा रहेकोमा ढकाल नेकपा काभ्रे जिल्ला कमिटी सदस्य पनि हुन्। प्रधानमन्त्री ओलीले यसअघि नेकपामा ४ सय ४६ जनाको केन्द्रीय कमिटी रहेकोमा तत्काल ५ सय ५६ जना थप गरी बाँकी १ सय ९७ थप गर्न सक्ने गरी केन्द्रीय कमिटी घोषणा गरेका छन्।

प्रधानमन्त्रीका प्रेस सल्लाहकार सूर्य थापाका अनुसार ओलीले प्रथम अध्यक्षका हैसियतले मौजुदा केन्द्रीय कमिटीमा ५ सय ५६ जना थप गरी मनोनयनसँगै शपथ ग्रहण गरेका हुन्।

प्रचण्डलाई कारवाही गर्ने तयारी ओली पक्षका केन्द्रीय सदस्यको बैठक सुरु

प्रधानमन्त्री केपी शर्मा ओली समूहका केन्द्रीय सदस्यहरुको बैठक बालुवाटारमा सुरु भएको छ। बैठकमा पूर्वमाओवादी समूहका टोपबहादुर रायमाझी, लेखराज भट्ट र मणी थापा पनि सहभगी छन्।

गृहमन्त्री रामबहादुर थापा र उपाध्यक्ष बामदेव गौतम भने बैठकमा गएका छैनन् थापा अझै प्रचण्ड पक्ष वा ओली पक्षमा भन्ने खुलिसकका छैनन्। यस अघि तटस्थ रहँदै आएका हरिबोल गजुरेल प्रचण्ड पक्षमा लागेका छन्।

बैठकले कार्यकारी अध्यक्ष प्रचण्ड, बरिष्ठ नेता माधव नेपाल, झलनाथ खनाललाई कारबाही गर्ने र केन्द्रीय सदस्य थप्ने तयारी गरेको छ। आज नै प्रचण्ड-माधव समूहले १ बजेलाई केन्द्रीय समिति बैठक बोलाएको छ।

भक्तपुरमा प्रवेश निषेध गर्ने चेतावनी प्रचण्ड र माधवलाई

भक्तपुर । सत्तारुढ दल नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल प्रचण्ड र माधव नेपालमाथि कडा आक्रोस व्यक्त गर्दै भक्तपुरमा प्रवेश निषेध गर्ने चेतावनी दिएका छ ।

आज प्रधानमन्त्री केपी शर्मा ओलीलाई वाध्यात्मक अवस्था सिर्जना गराई संसद विघटन गरी निर्वाचनको घोषणा गर्न बाध्य तुल्याएको भन्दै युवा विद्यार्थीले प्रचण्डमाथि कडा रुपमा आक्रोस जनाएका छन् । गुटको भेला गरी प्रधानमन्त्री तथा पार्टी अध्यक्ष ओली माथि कारवाही गर्ने धम्की दिनु नेपालको कम्युनिष्ट आन्दोलनलाई तहस नहस बनाउने कार्य प्रचण्ड–माधव नेपालबाट भएको भन्दै अस्थितरतका पुजारी नबन्न चेतावनी दिएका छन् ।

राष्ट्र, राष्ट्रियता तथा राष्ट्रिय सार्वभौमिकताको रक्षाको निम्ती प्रधानमन्त्री ओलीले जनताको जनादेशलाई स्वीकार्नु पर्ने भन्दै निर्वाचनको घोषणा गर्नुभएकोलाई युवा विद्यार्थीको पूर्ण रुपमा समर्थन गर्दै दिप प्रज्वलन समेत गरेका छन् । प्रचण्डले सशत्र युद्ध गरी १७ हजार दुखी गरिव जनताको रगत बगाएर कुर्सी र आफ्नो व्यक्तिगत स्वार्थको लागि मुलुकलाई अस्थिरता तथा अराजकताको बाटोमा लाने खोजेको भन्दै आक्रोस जनाए ।

ताजा जनादेशको लागि सवै राजनीतिक दल तथा नागरिक तयार हुनुपर्ने भन्दै युवाहरुले नेपालको कम्युनिष्ट आन्दोलनका लेण्डुप दोर्जे तथा कलंकको रुपमा प्रचण्ड–माधव स्थापीत भई इतिहासका सवैभन्दा ठूलो कालो दाग लगाएको उल्लेख गरे । युवा विद्यार्थीले भने, ‘कमरेड प्रचण्ड तपाईले १७ हजार गरिव तथा दुखी जनताको ह’त्या किन गर्नुभयो ? आखिर सत्ताकै लागि हो ? कि तपाईको घरवेटीको रक्षाको लागि हो ?’

प्रधानमन्त्री ओलीलाई अविश्वासको प्रस्ताव तथा राष्ट्रपतिलाई महाअभियोग लगाउने षड्यन्त्र गरेपछि मुलुकमा हुनसक्ने दुर्घटनालाई रोक्नको लागि संसद विघटन भएको उल्लेख गर्दै प्रचण्ड–माधव गुट भारतीय दलाल, भ्रष्टाचारी, ह’त्यारा, आतंककारी भएको समेत भएको बताए । प्रधानमन्त्री ओलीको पक्षमा तीन करोड नेपाली जनता रहेको उल्लेख गर्दै एक दुई दर्जन प्रचण्ड–माधवका अन्धभक्त स्वार्थी कार्यकर्ताको कुनै औचित्य नभएको समेत दावी गरे ।

नेपाली जनता देशभर प्रधानमन्त्रीको पक्षमा रहेकोले माथिल्लो तहमा दृढताका साथ अगाडी बढ्न प्रधानमन्त्री ओलीलाई आग्रह समेत गरे । त्यस्तै पार्टी र सरकारको विरुद्धमा विभिन्न षड्यन्त्र गर्ने प्रचण्ड–माधवलाई भक्तपुरमा प्रवेश निशेष गर्ने समेत अवस्था आउन सक्ने चेतावनी दिए ।

संसद विघटनको पक्षमा ओली समर्थकले गरे कोणसभा

दमक/झापाको दमकमा आज सत्तारुढ नेकपाका अध्यक्ष एवं प्रधानमन्त्री केपी शर्मा ओलीका समर्थक कार्यकर्ताहरुले ओलीले संसद विघटन गरेको समर्थनमा कोणसभा गरेका छन ।
राष्ट्रिय यूवा संघ नेपाल, अनेरास्ववियूको अगुवाईमा युवा विद्यार्थी तथा ओली समर्थक नेकपाका कार्यकर्ताहरुले कोणसभा गर्दै ओलीले चालेको संसद विघटनको कदम आवश्यकता भएको तर्क गरे । उनीहरुले ओलीको नेतृत्वमा रहेको सरकारले गरेका कामहरु देश र जनताका पक्षमा भएको भन्दै सरकारलाई असफल बनाउने षडयन्त्रको भण्डाफोर गरिने बताए । सो अवसरमा युवा संघ अनेरास्ववियुका केन्द्रिय सदस्य डम्बर अधिकारी, युवा संघ झापाका संयोजक शम्भु भण्डारी, नगर अध्यक्ष राम पौडेल र अनेरास्ववियूका जिल्ला अध्यक्ष समर्पण खतिवडाले मन्तव्य राखेका थिए ।

सूर्यग्रहण लाग्दै,आज सोमवार यी ६ राशिलाई हुनेछ खराव प्रभाव

यो वर्षको अन्तिम सुर्य ग्रहण सोमवार लाग्ने भएको छ । ज्योतिषीहरुका अनुसार यो सूर्य ग्रहण वृश्चिक र मिथुन चक्रमा हुनेछ। नेपाल र भारतमा ग्रहणले भने कुनै असर पार्ने छैन । सौर्य ग्रहण समय ( बर्षको अन्तिम सूर्य ग्रहण डिसेम्बर १४ मा साँझ ७ वजेर ३ मिनेट देखि १२ वजेर २३ मिनेट सम्म देखिने छ । यो ग्रहणको कुल अवधि करीव ५ घण्टा हुनेछ।

यो ग्रहण नेपाल र भारतमा देख्न मिल्दैन, त्यसैले यसको सूतक अवधि पनि मान्य हुँदैन। यो ग्रहण दक्षिण अफ्रिका, दक्षिण अमेरिका, प्रशान्त महासागर, अटलान्टिक र हिन्द महासागर र अन्टार्कटिकामा पूर्ण रूपमा देखिने छ। सुतक अवधि सामान्यतया सूर्यग्रहण भन्दा १२ घण्टा लाग्छ।
सुतक काल सौर्य ग्रहण हुनुभन्दा १२ घण्टा अघि हुन्छ, जसमा शुभ कार्यहरू निषेध गरिएको छ। पूजा सुतक अवधिमा गरिदैन। यस समयमा मन्दिरका ढोकाहरू पनि बन्द हुन्छन्। यो भनिन्छ कि गर्भवती महिलाले सुतक अवधिमा विशेष ख्याल गर्नुपर्छ । ज्योतिष गणनाको अनुसार सूर्य, चन्द्रमा, बुध, शुक्र र केतु सोमवती अमावस्याको वृश्चिकमा विराजमान हुनेछन्। यस्तो अवस्था धेरै वर्ष पछि सिर्जना भइरहेको छ।

ज्योतिषियोंका अनुसार यो सूर्य ग्रहणमा एउटा अत्यन्तै अशुभ गुरु चण्डल योग स्थापना भइरहेको छ। राहु र गुरु एकै ठाउँमा बसिरहेका गुरु चन्दल योग बनाउँछन्। ज्योतिष शास्त्रका अनुसार गुरु चन्दल योगले मेष, कर्क, मिथुन, कन्या, तुला र मकरमा सबैभन्दा खराब प्रभाव पार्न सक्छ।
२०२० मा त्यहाँ दुईवटा सूर्यग्रहण छन्। त्यस्तै दुई सौर्य ग्रहण २०२१ मा हुनेछ। पहिलो सूर्यग्रहण वर्षको बीचमा अर्थात् जुन १० जुन २०२१ मा देखा पर्नेछ। यो ग्रहण उत्तर अमेरिकाको उत्तरी भाग, यूरोप र एशियामा आंशिक हुनेछ, जबकि उत्तरी क्यानाडा, ग्रीनल्यान्ड र रसियामा पूर्ण हुन्छ। यो ग्रहण नेपाल भारतमा आंशिक रूपमा देखिनेछ। जबकि दोस्रो सूर्यग्रहण ४ डिसेम्बर २०२१ मा हुनेछ। यो ग्रहणले अन्टार्कटिका, दक्षिण अफ्रिका, अटलान्टिकको दक्षिणी भाग, अष्ट्रेलिया र दक्षिण अमेरिकालाई असर पार्नेछ।

खाने तेलको मूल्य एकाएक किन ह्वात्तै बढ्याे ?

बजारमा तोरी, सोयाबिन र सूर्यमुखी तेलको मूल्य मनपरी ढंगले वृद्धि भएको छ । एक महिनाको अवधिमा दुई प्रकारका तेलको भाउ प्रतिलिटर ४० देखि ५० रुपैयाँसम्मले वृद्धि भएको हो । तिहारसम्म १३० देखि १४० रुपैयाँ प्रतिलिटरमा कारोबार भएको सोयाबिन तेल १७० देखि ८० रुपैयाँ पुर्‍याइएको छ । यस्तै १६० रुपैयाँमा कारोबार भएको सनफ्लावर तेलको भाउ दुई सय रुपैयाँ भन्दामाथि पुर्‍याइएको हो।

तोरीको तेलको मूल्य पनि कम्पनीअनुसार तोलामा २० रुपैयाँभन्दा बढीले बढेको खुद्रा ब्यापारीहरुले बताएका छन् । होलसेलबाट बढेको मूल्यमा तेल आएको भनेर खुद्रा ब्यापारीलाई जानकारी गराइएको नेपाल खुद्रा ब्यापार संघका महासचिव अमुलकाजी तुलाधरले बताए । ‘मूल्य बढेको छ भनेर नयाँ मूल्य होलसेलले पठाएका छन् तर हामीलाई कारण थाहा छैन्,’ महासचिव तुलाधरले भने ।

उपभोक्तालाई एक महिनाको बीचमै तेलको भाउ लिटरमै ५० रुपैयाँसम्मले बढेको भन्नै नसक्ने अवस्था सृजना भएको तुलाधरले बताए । महिनौंअघि उद्योगमा प्याकिङ अवस्थामा रहेका तेलको भाउ पनि ब्यापारीहरुले एक्कासी बढाएर बजारमा पठाएको तुलाधरको आरोप छ।

तेलको अधिकतम् खुद्रा बिक्री मूल्य बढेको नदेखिने गरी होलसेलले तेलको भाउ बढाएको खुद्रा व्यापारीहरुले बताएका छन् । प्याकेटमा पुरानै मितिमा लेखिएको एमआरपी भएपनि होलसेलले भने नयाँ मूल्य लगाउँदा ग्राहकलाई तेल बेच्न नसक्ने अवस्था सिर्जना भएको खुद्रा व्यवसायी ध्रुब अधिकारीले बताए ।

‘एमआरपीमा कुनै एक तेलको प्रतिलिटर मूल्य १६० छ, होलसेलले नयाँ पठाएको तेल हामीले १८५ मा बिक्री गर्दा पनि नाफा छैन, उपभेाक्तालाई के भन्ने हामीले कसरी तेल बिक्री गर्ने ?’ अधिकारीले प्रश्न गरे । दुगड धारा र धारा सनफ्लावरमा खुद्रालाई दिने भन्दा पनि बढीमा अधिकतम् खुद्रा मूल्य तोकिएको महासचिव आमुलकाजी तुलाधरले बताए।

बजारमा उपभोक्तालाई खुद्रामा बिक्री गर्ने मूल्यभन्दा २० रुपैयाँसम्म बढी एमआरपी मन्त्रीको कम्पनीको तेलमा बढेको तुलाधरले बताए। बजारमा तेलेको भाउ अचाक्ली बढेपनि सरकारी अनुगमन भने शून्यप्रायः छ । पछिल्लो एक सातादेखि बजारमा तेलको भाउ बढेपनि अनुगमनकारी निकाय मौन बसेको उपभोक्ता अधिकारकर्मी माधव तिमिल्सिना बताउँछन् ।

‘नियमनकारी नियका नै अब त ब्यापारीका भाषा बोल्न थालेका छन्, यसैकारण उपभोक्ता ठूलो मारमा परे’ तिमिल्सिनाले भन्छन् । लिटरमा ५० रुपैयाँले तेलको मूल्य बढ्दा पनि सरकार मौन बस्नु अपराध भएको उनको भनाइ छ।