E dhimbshme: Fatime Lahi jeton vetëm me djalin e saj 13 vjeçar, i ndalet edhe ndihma sociale


Fatime Lahi nga Shipoli i Mitrovicës jeton në kushte të vështira tash e disa vjet me djalin e saj 13 vjeçar. Ajo thotë se është amvise dhe se i është ndalur edhe ndihma sociale, të ardhurat e vetme financiare që i ka pasur, shkruan Kanal10.

Tash e pesë vite, Fatime Lahi nga Shipoli i Mitrovicës, jeton vetëm me djalin e saj 13 vjeçar në kushte të rënda ekonomike. Nga të gjitha dhomat e kësaj shtëpie, vetëm një e ka të shfrytëzueshme. Meqenëse e gjithë shtëpia nuk ka as izolim, hall i saj janë temperaturat e ulëta dhe dimri i ftoftë. Edhe drutë për ngrohje që i ka aktualisht, thotë se nuk janë të mjaftueshme.

Ajo tregon se ka vështirësi edhe për të siguruar ushqim për djalin e saj. Asaj i është ndalur edhe ndihma sociale, të vetmin burim financiar që ka pasur. Fatime Lahi kërkon nga bamirësit që t’i dalin në ndihmë, në veçanti gjatë kësaj periudhe të dimrit. Numri ku mund ta kontaktoni direkt Fatime Lahin 049/268-279.


Leave a Reply

Your email address will not be published. Required fields are marked *