Kush po thotë se Samedi e fiton “I’ts my home”?
Samed Feka është me dy këmbët në botën e televizionit, deshi apo jo publiku që ta shohë.
Tentativa e tij për të qenë fytyrë publike me apo pa meritë, tashmë është e realizuar plotësisht.
Nga “Detektivi” në “I’ts my love”, e tani në shoun real “I’ts my home”, ku shikuesit mund ta shohin në platformën “Youtube” në kanalin zyrtar të këtij shou 24/24, Samedi vijon të jetë protagonist, ani pse tejet i kryqëzuar.
I bullizuar, i “masakruar” nga komentet negative, i etiketuar edhe nga vetë banorët e tjerë, pa kredibilitet, ama sërish në shou, sepse siç thotë produksioni “publiku e do”.
Samed Feka është një nga mijëra njerëzit në Kosovë që me naivitetin e tyre famën e perceptojnë si diçka magjike, të jashtëzakonshme, si shpëtim nga çdo gjë.
Samedi e ka realizuar fjalë për fjalë dëshirën për të qenë i famshëm, por i ka hapur vetës shumë punë duke e ekspozuar deri në detaje karakterin e tij. Atë që dikur e kanë njohur thjesht si Samedi i filan fshatit a filan mëhallës, sot e njohin në pëllëmbë të dorës.
A do ti shërbej fama? A mund ta fitoi?
Gjithsesi, fitues apo jo, fama do të jetë faturë e shtrenjtë për Samed Feken.