Në një kohë kur në mes të Tiranës rezultojnë pallate me shumë kate pa leje që për habi nuk i sheh askush, në Nartë të Vlorës duket se shteti është ngritur i gjithi në këmbë që të mos lejojë asnjë ndërtim pa leje. Qoftë ky edhe një kotec pulash.
Një 82-vjeçare e moshuar nga Narta ka parë tmerr me sy kur befas ka parë gjithë shtetin t’i mbijë para derës. Ajo akuzohet për ndërtim pa leje për një kotec pulash. Mund të duket çudi, por e moshuara rrezikon burgun pasi është dërguar në gjyq nga prokuroria.